O Senado está en trámites para debater unha moción de Podemos para a promoción do patrimonio cultural que supón a riqueza das distintas modalidades lingüísticas de España. A idea da formación de Pablo Iglesias é que todos os españois poidan acceder ao coñecemento das linguas cooficiais ao entender que “o acceso ao patrimonio cultural que supón o plurilingüismo atópase limitado nas comunidades autónomas onde o castelán é a única lingua oficial”.
Por iso, a moción, presentada polo senador Óscar Guardingo, suscita que “o currículum educativo, dentro ou fóra do horario escolar obrigatorio, inclúa, de xeito opcional, o estudo básico dunha segunda lingua española nos centros educativos de primaria, ESO e Bacharelato nas comunidades autónomas onde o castelán é a única lingua oficial”. Deste xeito, os nenos andaluces ou manchegos, por exemplo, poderían estudar galego, euskera ou catalán.
Ademais, a moción de Podemos propón que películas como a premiada Pa negre (Agustí Villaronga, 2010) poidan verse en todo o país en versión orixinal e con subtítulos en castelán. Así, a moción invita a TVE a “emitir as películas rodadas en idioma catalán, vasco, galego ou outras linguas oficiais na súa versión orixinal subtitulada ao castelán”. E ademais suscita que tanto a televisión pública española como a radio, RNE, inclúa música nestes idiomas e tamén “en asturiano, aranés ou calquera outra lingua no seu respectivo territorio; promoviendo así o noso patrimonio cultural, o seu respecto e protección”.
Para rematar, Guardingo demanda que o Goberno “promova o acceso ás obras máis importantes da literatura catalá, galega e vasca, así como outras linguas españolas, no seu idioma orixinal nas bibliotecas públicas de toda España”. O senador da formación morada considera que con estas medidas “fortalecerase a fraternidade entre os pobos e nacións que forman España e fomentarase o respecto e o coñecemento da diversidad do noso país”. |
|
abuguina 