Rechouchíos de amor para o San Valentín (Concurso)

O Equipo de Dinamización da Lingua Galega do IES Valadares organiza un CONCURSO DE SMS DE AMOR con  motivo da conmemoración do día de San Valentín, o 14 de febreiro.

Será premiada a mellor mensaxe de amor escrita polos alumnos do centro. Admitiranse mensaxes que traten sobre o amor no seu sentido máis amplo: ao namorado/a, ao amigo, aos irmáns, pais, avós…, aos animais de compaña, á natureza…

A mensaxe non deberá exceder os 250 caracteres (incluíndo os espazos en branco), deberá estar redactada en galego e pode presentarse en prosa ou en verso. Á hora de seren valorados, terase en conta o grao de elaboración e a orixinalidade.

As mensaxes con contidos discriminatorios ou ofensivos serán rexeitadas.

Forma de participación:

Cada participante debe seguir este proceso:

1º. Escribir a man o SMS nun “post-it” e colocalo no taboleiro grande disposto  ao efecto no baixo do instituto (Esta será a parte exposta ao público). Non esquezas escribir o teu nome pola parte de atrás.

2º. Paralelamente, debe escribir a mesma mensaxe entrando aquí arriba no apartado “Deixa un comentario” deste mesmo post, coma se fose un comentario ao mesmo  (Esta será a parte en base á cal serán valorados os SMS). Tampouco esquezas deixarnos o teu nome.

Prazos de participación:

A data de comezo da actividade será o 23 de xaneiro e o prazo rematará o 17 de febreiro. Lembra que debes ter presentadas as dúas partes.

Premios:

Haberá premios para os tres mellores, que recibirán como agasallo un reprodutor MP4 e unhas chaves de memoria USB, segundo resulten primeiros, segundos ou terceiros.

De non haber calidade abonda, os premios poden declararse desertos.

 As mensaxes gañadoras, e só estas, serán publicadas no blogue antes citado.

Anímate, dillo en galego con amor!!!

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A %d blogueros les gusta esto: