O do magosto é un día dos especiais no instituto. Xa é ben que non haxa clases, mais se por riba temos xogos, festa e comida de balde, que máis podemos pedir?
Os xogos foron os tradicionais: o da castaña, o da torre, o diábolo, o baile das cadeiras, o da galletiña a caerche pola cara, o dos aros… Da comida encargáronse os de cuarto co seu posto de exquisita repostaría caseira, da música encargáronse gaiteiros e pandereteiras, as castañas asáronas dous expertos afumadores e a festa… a festa xa estaba no ambiente.
abuguina 