Co gallo da celebración do Día das Letras Galegas, o Equipo de Dinamización da Lingua Galega e o Departamento de Lingua Galega do IES Valadares convocan un concurso de microrrelatos en lingua galega que se rexerá polas seguintes
BASES:
- Os relatos deberán estar escritos en lingua galega, serán de tema libre, orixinais e inéditos, e terán unha extensión máxima de un folio escrito a ordenador a dobre espazo co tipo de letra Times New Roman.
- Os textos deberán introducirse nun sobre, no que se fará constar:
a) A etiqueta “Certame de microrrelatos”
b) O ciclo educativo ao que pertence o alumno
c) O pseudónimo do autor ou autora
Dentro deste sobre, xunto co relato, introducirase outro sobre máis pequeno pechado no que se indicarán o nome, apelidos, curso e grupo do participante.
Os sobres entregaranse na conserxería do centro.
- O prazo para a presentación dos traballos rematará o venres 6 de maio de 2011.
4. PREMIOS:
Establécense dúas categorías, unha para o alumnado de 1º ciclo e outra para o alumnado de 2º ciclo da ESO. Cada unha delas estará dotada con dous premios: o primeiro premio consistirá nun MP4 e un lote de libros e o segundo nun lapis de memoria e un lote de libros.
Os premios poderán declararse desertos.
A entrega de premios terá lugar no transcurso dos actos de final de curso.
5. Os relatos premiados serán publicados na revista e na páxina web do centro.
abuguina 