O pasado outubro os alumnos de 3º ESO levamos a cabo unha actividade extraescolar que consistiu nun percorrido polos fermosos xardíns do Pazo Quiñones de León, en Castrelos.
A visita centrouse principalmente nos tipos de xardíns e de plantas que o forman, á parte da súa historia e da súa formación, da que tamén nos falaron.
O xardín de entrada está situado diante e a un extremo da fachada do pazo. As plantas nesta zona están colocadas para dar a sensación de grandeza e para destacar o edificio.
O xardín francés, formado por un falso labirinto e por outras plantas equidistantes. Para dar sensación de profundidade, as plantas máis altas son as máis afastadas.
A rosaleda está composta por un longo corredor atravesado por arcos de rosais e adornado con outros arbustos e esculturas.
O bosquete é un amplo espazo cuberto de céspede, castiñeiros, eucaliptos… esparexidos de forma irregular. Tamén se pode ver un gran pombal.
Por último, o xardín inglés, un terreo chan e aberto, cheo de céspede, algúnhas árbores, esculturas e algún estanques, un deles con bancadas para poder relaxarse oíndo o son da auga.
Yago Álvarez Casás – 3º A
abuguina 