Tivemos a sorte de recibir o mércores no noso centro unha sacudida de emocións da man do contacontos Anxo Moure, o Carballo con Botas. Chegou moi de mañá no seu vehículo, unha pequena bicicleta, despois de pillar unha boa molladura polas empinadas costas que conducen a Valadares. Como isto non perturbou o seu animoso espírito, disfrutamos con el nada menos que catro sesións de contos, onde asomaron valores hoxe bastante esquecidos na nosa sociedade como a solidariedade, a economía sostible, o eco-transporte, o pacifismo, a liberdade ou a xustiza.
Ao rematar, agarrou de novo a súa inseparable bicicleta e marchou deixando atrás novas miradas entre a mocidade do instituto.
Se queres saber máis sobre o Carballo con Botas e os contos de Bicis pola Paz, visita a páxina http://www.contosolidarios.org/contosolidarios.htm
abuguina 